A Epic Race Pontevedra queda na casa
Por Redacción
A primeira edición da Epic Race Pontevedra BTT, celebrada sen decanso durante a fin de semana por diferentes montañas da provincia, tivo claro acento local.
O equipo pontevedrés de Ponte1Reto fíxose coa vitoria na categoría individual por medio de Juan Hernández, e tamén se coroou na categoría de equipos de catro compoñentes, con Fran Valiñas, Manuel Caramés 'Fallolli', Diego Oliveira e Ramón Mella.
Hernández foi o único dos seis corredores que afrontaba a proba en solitario que logrou chegar á liña de meta despois de 44 horas e 57 minutos de esforzo titánico, mentres os seus compañeiros de equipo conseguiron na súa categoría un tempo de 38 horas e 2 minutos.
Finalmente foron preto de 500 os quilómetros de percorrido, día e noite. con 13.500 metros de desnivel acumulado positivo xa que a organización tivo que neutralizar unha das oito etapas previstas.
Viuse obrigada a tomar esta decisión ao detectar un fallo na lectura do 'track' por parte dalgúns dispositivos GPS, o que facía perigoso camiñar por pistas forestais en plena noite. Foi concretamente na etapa que transcorría entre Vila de Cruces e Cerdedo.
Relacionadas:
-
Aprazada a Epic Race de BTT polas malas previsións meteorolóxicas
Por Diego Espiño |
-
A Epic Race de BTT, ante o desafío de converterse en "unha das mellores probas de España"
Por Diego Espiño & Gabriela Varela Asorey |
-
Novas ilusións e obxectivos solidarios para o equipo Ponte1Reto
Por Redacción |
-
A épica comeza na Praza de España
Por Redacción & Mónica Patxot |
-
A Epic Race Pontevedra de BTT, unha carreira que chega para quedar
Por Diego Espiño |
-
Tres días de competición, 8 etapas e 550 quilómetros: Nace a Epic Race Pontevedra de BTT
Por Diego Espiño |