Quinto posto para Adrián Sieiro e Sergio Vallejo na Copa do Mundo de Szeged
Por Redacción
Despois de lograr no recente selectivo a clasificación para o próximo Campionato de Europa de Piragüismo, Adrián Sieiro e Sergio Vallejo testaron este sábado o seu nivel internacional na Copa do Mundo de Szeged, Hungría.
Fixérono ademais cun resultado que confirma a súa progresión, un quinto posto no C-2 1.000 metros.
Os padexeiros do Piragüismo Poio Pescamar non conseguiron o obxectivo de entrar no podio, pero cun tempo de 3:28.904 quedaron a menos dun segundo da terceira posición. Os gañadores na súa proba foron os polacos Kaminski e Slominski (3:27.543).
Tras a final do C-2 1.000 metros celebrada pola mañá, pola tarde Sieiro e Vallejo tomaron parte nas series dos 500 metros, sendo terceiros na semifinal e logrando o pase á final.
O gran resultado para o piragüismo galego en Hungría logrouno o tudense Roi Rodríguez, cunha meritoria medalla de bronce no K-1 1.000 metros nunha final na que estaban presentes o vixentes campión e subcampión olímpicos.
Por outra banda o cangués Rodrigo Germade e o tudense Óscar Carrera rozaron o podio na final do K-2 500 metros ao concluír cuartos.
Relacionadas:
-
Sergio Vallejo e Adrián Sieiro, cuartos en C2 500, rozan unha nova medalla na Copa do Mundo
Por Redacción |
-
Adrián Sieiro e Sergio Vallejo, bronce na Copa del Mundo de Belgrado
Por Alejandro Espiño |
-
Segundo posto para o Breogán do Grove na Copa de España de Piragüismo en Verducido
Por Redacción |
-
Adrián Sieiro e Sergio Vallejo báñanse en bronce na Copa do Mundo de Szeged
Por Redacción |
-
Adrián Sieiro renunciará a competir no C-1 do Europeo de piragüismo
Por Diego Espiño |
-
Dobre billete europeo para Adrián Sieiro tras impoñerse no selectivo de Trasona
Por Redacción |
-
Adrián Sieiro, protagonista da Copa de España de 1.000 metros en Trasona
Por Redacción |