Xornada de empates na Terceira División
Por Redacción
Repartición de puntos na Lomba nun duelo de poder a poder disputado entre o Arosa e o Compostela (0-0).
A pesar da intensidade do xogo, ningún dos equipos acertou ante a meta contraria e terminaron repartíndose os puntos en xogo.
Un empate que lle vale aos de Vilagarcía para seguir cuartos na táboa.
Consulta aquí o acta do Arosa-Compostela.
Tamén empatou o Villalonga, no seu caso salvando un punto nos últimos minutos tras remontar unha desvantaxe de dous goles ante As Pontes (2-2).
Dous goles nun minuto, o 88, de Javi Pazos e Jesús, igualaron un choque que estaba moi complicado. Tras unha primeira parte de igualdade, As Pontes adiantouse cun gol ao comezo do segundo tempo e outro no 85, de penalti, que parecía sentenciar.
O empate deixa aos celestes na décimo terceira praza con 17 puntos.
Consulta o acta do Villalonga-As Pontes.
Non puido tampouco pasar do empate o Ribadumia na súa visita ao campo do Negreira (0-0).
Os de David Sierra non conseguiron romper a igualada inicial nun choque moi disputado e cáense á undécima posición con 18 puntos.
Consulta o acta do Negreira-Ribadumia.
O peor parado da xornada foi o Céltiga, derrotado no campo do Negreira (2-1).
Os da Illa víronse superados polos locais no inicio do choque, e aos 18 minutos xa perdían por dous tantos de diferenza.
No 72 Diego, de penalti, recortou distancias e deu esperanzas ao Céltiga, pero a remontada non chegou. O Céltiga é agora noveno con 18 puntos.
Relacionadas:
-
Sidibé dá o triunfo ao Arosa no desconto, o Villalonga gaña en Carballo, mentres Céltiga e Ribadumia perden
Por Redacción |
-
Duras derrotas de Ribadumia e Céltiga, vitoria do Arosa e o Compostela empata ao Villalonga no desconto
Por Redacción |
-
Xornada negra con empate do Ribadumia e derrotas de Céltiga, Arosa e Villalonga
Por Redacción |
-
Changui recibe o alta hospitalaria e continúa coa súa recuperación na casa
Por Diego Espiño |
-
Castigo para o Ribadumia no desconto, empate do Arosa e triunfos de Villalonga e Céltiga
Por Redacción |