Bea Gómez, operada con éxito dunha anomalía cardíaca
Por Redacción
Empeza a conta atrás para a volta á piscina de Bea Gómez Cortés, que foi intervida cirurxicamente este martes en Madrid para solucionar unha anomalía cardíaca detectada nunha recente concentración do equipo nacional.
A nadadora pontevedresa viuse obrigada a interromper os adestramentos ante un problema de carácter conxénito que estaba localizado no tabique interauricular que divide a cámara superior do corazón.
A operación resultou satisfactoria, segundo a propia deportista recoñeceu a través do seu perfil de Twitter agradecendo o apoio recibido durante os últimos días.
Recién salida de quirófano, todo ha ido muy bien, muchas gracias a todos https://t.co/NrvQFX2TQ3
— Bea Gómez Cortés (@beagomezcortes) Mayo 5, 2015
Unha vez superada con éxito a intervención Bea confía en poder regresar aos adestramentos en poucos días, a mediados de mes, para retomar a súa preparación de cara ao Campionato do Mundo de Kazán (Rusia), principal obxectivo deportivo da tempada no que a pontevedresa nadará os 800 libre e os 400 estilos.
Relacionadas:
-
Primeira medalla para Bea Gómez nos Nacionais de natación: bronce nos 800 libres
Por Redacción |
-
Bea Gómez retoma a competición no prestixioso Circuíto Mare Nostrum
Por Redacción |
-
Bea Gómez volve aos adestramentos concentrándose co equipo nacional en Serra Nevada
Por Redacción |
-
O equipo feminino do Galaico acusa a baixa de Bea Gómez e descende a Segunda División
Por Redacción |
-
Unha doenza cardíaca obriga a Bea Gómez a parar e pasar polo quirófano
Por Redacción |