José Enrique Porto regresa do Mundial de Ciclismo Adaptado cunha medalla de prata
Por Redacción
Importante paso adiante para José Enrique Porto no Campionato do Mundo de Ciclismo Adaptado en Pista celebrado en Apeldoorn (Países Baixos).
Tras quedar limitado á loita polo bronce o pasado ano en Aguscalientes (México), o ciclista do Grupo Deportivo Supermercados Froiz logrou, xunto á súa guía José Antonio Villanueva, a medalla de prata na modalidade de tándem de velocidade.
"Hay que saber dar el valor que realmente tiene esta plata, ya que otros años se habían quedado a las puertas de la final, en la lucha por el bronce, y en esta ocasión han dado ese salto, que tiene mucho mérito" explicou o seleccionador nacional, Félix García Casas en declaracións recollidas pola Federación Española de Ciclismo.
Porto e Villanueva marcaron o segundo mellor tempo na clasificatoria de 200 metros, só superados polos británicos Neil Fachie e Peter Mitchell, que posteriormente se impoñerían na final aos españois nas dúas mangas disputadas.
Na semifinal o dúo español deixara na cuneta aos holandeses Tristan Bangla e Teun Mulder.
Este resultado supón un importante impulso de cara ao principal obxectivo, os Xogos Paralímpicos de Río 2016.
Relacionadas:
-
José Enrique Porto e César Neira, incluídos no equipo nacional para o Mundial de Ciclismo Adaptado
Por Redacción |
-
Martín Lestido e Roberto Mediero, subcampións galegos de ciclismo elite e sub-23
Por Redacción |
-
José Enrique Porto logra a medalla de bronce na Copa de Europa de Ciclismo Adaptado en Newport
Por Redacción |
-
Bronce para José Enrique Porto no Mundial de paraciclismo en pista
Por Redacción |