Carmen Gómez arranca a súa tempada cun cuarto posto na Copa de Europa de tríatlon de Quarteira
Por Redacción
Bo inicio de tempada para a pontevedresa Carmen Gómez Cortés en Portugal.
Gómez Cortés logrou finalizar cuarta na competición júnior da Copa de Europa de Triatlón de Quarteira, disputada na modalidade de sprint (750 metros de natación, 20 quilómetros de ciclismo e 5 kilómetroa a pé).
Carmen, que afronta o seu primeiro ano en idade júnior, foi das primeiras triatletas en saír da auga e integrouse no grupo de cabeza durante o sector ciclista.
A carreira decidiuse no último sector a pé, no que se impuxo a alemá Lisa Tertsch (01:02:06) seguido polas francesas Jeanne Lehair e Emilie Morier.
A triatleta pontevedresa, que loitou toda a proba por subir ao podio, quedou finalmente a dez segundos da terceira praza cun tempo de 01:02:56.
En Quarteira tamén participaron as galegas Sara Guerrero (26ª), Paula Herrero (43ª) e Irene Serrat (52ª) na competición feminina e Andrés Cendán (10º), Alberto Castiñeira (20º) e Carlos Brión (60º) na masculina.
Relacionadas:
-
Carmen Gómez cambia o CGTD de Pontevedra pola Residencia Blume de Madrid
Por Diego Espiño |
-
Carmen Gómez, subcampiona de España júnior de dúatlon en Soria
Por Redacción |
-
Recepción no Concello a Carmen Gómez Cortés, a triatleta pontevedresa de maior proxección
Por Redacción |
-
Indignación na Federación Galega pola exclusión de Carmen Gómez da lista para o Mundial Júnior
Por Diego Espiño | Creada e actualizada