A I Regata Interclubs ponse en marcha cunha vistosa primeira xornada en Combarro
Por Redacción
Combarro foi escenario o pasado sábado da primeira xornada da Regata Interclubs Ría de Pontevedra, Gran Premio Deputación, na súa primeira edición.
Un total de 44 barcos con máis de 250 tripulantes a bordo gozaron dunha sensacional xornada de navegación cun percorrido costeiro que permitiu ao público presente deleitarse cos cruceiros de competición, barcos clásicos, veteranos e Mini-23 inscritos.
Entre eles participou o regatista pontevedrés Juan Carlos Pérez, que finalmente inscribiu o seu barco co nome de Ozoaqua en lugar do previsto 'No a Celulosas' ante a negativa da organización.
O Ozoqua finalizou segundo na Clase 1, a 1:59 do Corsario VI. Ademais foron primeiros o Enxuto na Clase 2, o Squid na Clase 3, o Sebrala 2 na Clase 4, o Cassandra nos Veteranos e o Sanuk na Clase Mini-23.
A segunda parada da I Regata Interclubs Ría de Pontevedra será o próximo 7 de febreiro no Real Club de Mar de Aguete.
Relacionadas:
-
Descualifican o barco de 'NO Celulosas' e lle impiden seguir competindo na regata interclubs da Ría
Por Redacción |
-
Un regatista denuncia que non o deixan participar co barco denominado 'No a Celulosas' no Premio Deputación
Por Anxo Lourido |
-
Nace a primeira Regata Interclubs da Ría de Pontevedra
Por Redacción |