O Lago de Castiñeiras acolle a segunda proba do Open Galicia de descenso BTT
Por Redacción
Preto de 100 corredores inscribíronse na primeira edición do Descenso Kamikazes, que se disputa esta fin de semana no ámbito do Lago de Castiñeiras.
A proba, organizada polo CD Kamikazes, é a segunda cita puntuable do Open de Galicia de descenso BTT, competición que arrancou hai poucos días en Culleredo.
Os ciclistas inscritos participarán nos adestramentos libres e oficiais previstos para a xornada do sábado (10:00 e 15:30 horas respectivamente).
Mentres tanto, para o domingo está programado un novo adestramento ás 9:30 horas da mañá, quedando as dúas mangas oficiais para a tarde, ás 15:30 e 17:00 horas.