Alejandro Muñiz e un acerto no Girona-Barcelona no medio da polémica: "Se ve claro. Anulo el penalti"
Por Diego Espiño
Sempre que unha decisión afecta ao Real Madrid ou ao Fútbol Club Barcelona a polémica está servida, con miles de opinións correndo como a pólvora por distintos medios.
É o que lle sucedeu este domingo a Alejandro Muñiz Ruiz, que na súa cuarta tempada como árbitro de Primeira División foi o encargado de dirixir o encontro entre Girona e FC Barcelona no estadio de Montilivi.
Con 0-2 no marcador e nunha das últimas accións do primeiro tempo, o colexiado pontevedrés indicaba penalti por unha clara man dentro da área barcelonista de Íñigo Martínez. Con todo tras a revisión da videoarbitraxe (VAR) Muñiz Ruiz cambiou de opinión invalidando a pena máxima.
Fíxoo porque a normativa especifica que, ao chegar o balón tras o despexe dun compañeiro a acción non é punible. Caso distinto sería se o remate efectuouno o dianteiro do equipo local. Un criterio que deixou claro o audio da revisión VAR da xogada feito público pola Real Federación Española de Fútbol.
AUDIO REVISIÓN VAR
— RFEF (@rfef) September 15, 2024
Jornada 5 | Primera División
@GironaFC @FCBarcelona | 45'#ArbitrajeRFEF | @CTARFEF pic.twitter.com/Vwz3o5NZVf
"Te voy a recomendar una revisión para que veas que la mano de Iñigo Martínez viene de su compañero. Mano Abierta, mano punible pero viene de su compañero", sinaloulle a Alejandro Muñiz o responsable do VAR nese encontro, Valentín Pizarro Gómez.
"El brazo está muy abierto, correcto, se ve claro. Brazo abierto, despeje del compañero hacia la mano a la altura del hombro. Anulo el penalti", contestaba tras ver as imaxes o árbitro internacional pontevedrés.
Un acerto que con todo non escapou da polémica habitual de faladoiros e redes sociais. Algo inevitable por outra banda no fútbol actual.
Relacionadas:
-
Os Doval, unha familia co banderín nos xenes
Por Diego Espiño & Mónica Patxot |
-
Alejandro Muñiz, designado para o partido que abrirá a tempada en Primeira División
Por Diego Espiño |
-
Alejandro Muñiz Ruiz, mestre de luxo no primeiro día de curso dos novos árbitros
Por Redacción |
-
Álvaro Juncal e Sergio Doval, novos árbitros de Primeira RFEF
Por Diego Espiño |
-
O pontevedrés Alejandro Muñiz será o cuarto árbitro na final da Copa do Rei
Por Diego Espiño |
-
A FIFA outorga oficialmente ao pontevedrés Alejandro Muñiz a categoría de árbitro internacional
Por Diego Espiño |