Conflito aberto entre Pontevedra e TVG: "Non asinou o mesmo contrato que o resto de equipos"
![Diego](/web/cache/scene/uploads/xornalistas/foto/5df/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/570532d2ea-20160329-patxot-diego-espino-1009.jpg)
Por Diego Espiño
Creada e actualizada
Creada e actualizada
O Pontevedra Club de Fútbol é, de momento, o único equipo galego de Segunda RFEF que se negou a asinar o contrato de cesión de dereitos audioviduales coa Televisión de Galicia (TVG).
Esta circunstancia provocou que o club granate este domingo, na primeira xornada de liga en Pasarón fronte ao Real Valladolid Promesas, negase a entrada ao estadio das cámaras da canle autonómica, nin para rentransmitir o encontro nin tan sequera para captar imaxes para o resumo do partido.
"Non lles podemos ofrecer as imaxes do Pontevedra-Valladolid. O Pontevedra non asinou o mesmo contrato que o resto de equipos de esta categoría e tampouco deixou entrar ás cámaras da Televisión de Galicia para ofrecer o resumo", xustificou en directo durante o popular programa En Xogo da TVG uno dos seus presentadores, Gustavo Varela.
40.000 euros ofreceu esta tempada a TVG aos equipos galegos de Segunda RFEF
Compostela, Coruxo, Bergantiños e RC Deportivo Fabril si chegaron a un acordo para ceder os seus dereitos.
O club granate tensa así a corda na busca dun mellor acordo de retransmisión, tras moitos anos colaborando coa TVG.
Neste sentido tirando dos datos presentados nas últimas Xunta de Accionistas, para fixar unha referencia da actual negociación, o Pontevedra recibiu na campaña 21-22 tamén en Segunda RFEF un total de 75.000 euros pola cesión dos seus dereitos televisivos á canle autonómica, mentres que en cursos anteriores na antiga Segunda B a cifra era de 65.000 euros anuais. Con todo na actualidade a cantidade descendeu notablemente, ata os 40.000 euros ofertados por tempada.
Ademais a potestade para fixar os horarios dos partidos é outro dos puntos de controversia na negociación.
Relacionadas:
-
Un Compostela "con caras novas pero máis rodado que o que nos enfrontamos a tempada pasada"
Por Diego Espiño |
-
Héctor Hernández, aínda sen diagnóstico e a falta de máis probas "para evitar un caso como o de Borja o ano pasado"
Por Diego Espiño |
-
Yelko Pino: "Que haxa xente que non baixou do barco reconforta moito e dálle forza ao equipo"
Por Diego Espiño |
-
Yago Iglesias: "Todo o equipo estivo ben para ser o primeiro partido de liga"
Por Almu Dapena & Cristina Saiz |
-
Rufo dá os primeiros tres puntos da tempada ao Pontevedra
Por Almu Dapena & Cristina Saiz |
-
Ofrenda granate á espera de fichaxes: "Puede que alguna cosa más se cierre en las próximas horas"
Por Diego Espiño & Cristina Saiz |
-
Santiago de Compostela, primeira convocatoria da tempada para a 'Marea Granate'
Por Diego Espiño |