![](/web/cache/scene/uploads/fotos/foto/d2e/_S7QytKoutjK3UsovKMnMzytWsi62MgJyq/Lzc52L8gt0zCwMdI_/_wNDHSSU/NKUot0SvILlKxrAQ==_/668545da51-equipo.jpeg)
© Galaico Sincro
Dous ouros e un bronce, o extraordinario balance de Daniela Suárez no Europeo júnior de natación artística
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Non lle puideron ir mellor as cousas á pontevedresa Daniela Suárez no campionato de Europa júnior de natación artística que se celebrou na cidade de Cottonera (Malta).
A nadadora do Galaico Sincro volveu a casa con dúas medallas de ouro e unha de bronce, asinando un balance á altura das grandes estrelas deste deporte.
As dúas medallas de ouro que se colgou Suárez foron nas rutinas de equipo técnico e de equipo libre, xunto ás súas compañeiras Naia Álvarez, Rocío Calle, Isabel Shuang Cui, Aurora Lázaro, Carla Lorenzo, Paula Marcipar e Martina Sarmiento.
O bronce, pola súa banda, chegoulle como reserva do equipo de rutina acrobática, onde á pontevedresa e a Paula Marcipar substituíronas Ariadna Benito e Xenia de la Puente.
O seguinte obxectivo deportivo para Daniela Suárez será entrar na convocatoria para o Mundial de Lima (Perú), que se realizará no Videna Aquatic Center do 28 de agosto ao 1 de setembro.
Relacionadas:
-
Daniela Suárez, rumbo ao Europeo Júnior de Natación Artística
Por Redacción |
-
Daniela Suárez, primeira galega convocada polo equipo nacional absoluto de natación artística
Por Diego Espiño |
-
Juan David Hernández e Daniela Suárez fan historia para o Galaico Sincro cunha dobre medalla no Campionato de España
Por Diego Espiño |