Frenético arranque de competición no ITF M15 de Sanxenxo
Por Redacción
As pistas do Círculo Cultural Deportivo Sanxenxo son esta semana todo un centro de atención deportiva na comarca coa celebración do seu torneo ITF World Tennis Tour M15.
Desde este domingo e nun frenético arranque de torneo, a actividade é máxima nas pistas exteriores do complexo, onde o primeiro día xogáronse ata 16 encontros e este luns oito máis coa axuda da boa climatoloxía.
Todo para chegar este martes á esperada estrea dos tenistas que participan directamente por ranking, entre os que se atopa o pontevedrés Iago Domínguez, o vigués Tomás Currás ou os santiagueses Ander Tarrío e Rafael Izquierdo, entre outros.
Ademais un dos puntos de atención será a estrea do ITF de Sanxenxo do sueco Leo Borg, principal cabeza de serie, fronte ao italiano Davide Ferrarolli.
A entrada para presenciar o ITF World Tennis Tour M15 é de balde para o público ata completar aforo, segundo lembra a organización.
Relacionadas:
-
O arxentino Julio César Porras, vencedor do ITF World Tennis Tour M15 de Sanxenxo
Por Redacción |
-
As promesas do tenis mundial aterran en Sanxenxo
Por Redacción |
-
Empeza a tempada de torneos de tenis no CCD Sanxenxo
Por Redacción |
-
O CCD Sanxenxo, premiado como o mellor club de tenis con proxección internacional
Por Redacción |
-
Xapón e Portugal triunfan en Sanxenxo no Torneo Internacional Cadete de Tenis
Por Redacción |
-
O CCD Sanxenxo, orgulloso tras a edición "máis difícil" do seu Torneo Internacional Júnior
Por Diego Espiño |