O Europeo de Ciclocrós espera "máis de 900 corredores" e terá sinal televisivo internacional
Por Diego Espiño
O Concello de Pontevedra foi escenario este luns 18 de marzo dunha reunión do comité organizador do Campionato de Europa de Ciclocrós, na que estivo presente o presidente da Unión Europea de Ciclismo, Enrico della Casa.
Xunto a el fixeron efectiva a constitución do comité, avanzada a pasada semana, o secretario da Real Federación Españoña de Ciclismo, Alejandro Martín; o presidente da Federación Galega de Ciclismo, Juan Carlos Muñiz; e representantes das administracións encabezadas polo alcalde da Boa Vila, Miguel Anxo Fernández Lores.
Foi precisamente o rexedor o encargado de desvelar algúns detalles do que ofrecerá o Europeo a principios do mes de novembro no circuíto deseñado na Illa das Esculturas.
Aínda que as xornadas grandes serán os días 2 e 3 de novembro "van ser catro días de competición onde van asistir 24 seleccións internacionais. Haberá tamén grupos de idade co cal participarán máis de 900 corredores", confirmou Lores.
Ademais o evento "vai a ser retransmitido por televisión a moitos países", polo que o alcalde defendeu que "vai a ser un campionato importante. Temos posta moita ilusión na transcendencia que vai ter a todos os niveis", asegurou tras o encontro.
Relacionadas:
-
Constituído o comité organizador do Campionato de Europa de Ciclocrós
Por Diego Espiño |
-
O Campionato de Europa de Ciclocrós de Pontevedra promociónase en Benidorm
Por Redacción |
-
Traballo sen pausa cara ao Europeo de Ciclocrós na cidade 'where the bikes bótanse ó lombo'
Por Redacción |
-
E tras o tríatlon... Un 2024 tamén con grandes eventos internacionais de loita e ciclocrós
Por Diego Espiño |
-
Pontevedra pasa con nota a inspección da Unión Europea de Ciclismo de cara ao Campionato de Europa de Ciclocrós 2024
Por Diego Espiño |
-
Asinado en Madrid o convenio que concede a Pontevedra o Europeo 2024 de Ciclocrós
Por Diego Espiño |
-
Xa é oficial, o Campionato de Europa de Ciclocrós 2024 celebrarase en Pontevedra
Por Diego Espiño |