O meta húngaro Gabor Decsi, fichaxe de urxencia para a portería do Cisne
Por Diego Espiño
O Club Cisne Balonmán moveuse con rapidez ante a grave lesión do seu gardameta Roney Franzini, que estará unha longa tempada de baixa tras romper o tendón de Aquiles no último partido en Alacante.
Esta baixa, unida aos problemas físicos que arrastra Abián Rodríguez, obrigaron á entidade pontevedresa a acudir ao mercado.
Así, en só uns días, o Cisne pechou a incorporación de Gabor Decsi, gardameta húngaro de 22 anos que se atopaba adestrando co BM Huesca de Liga Asobal.
O gardameta, formado no Györi ETO do seu país, comprométese ata final de tempada.
Desta forma Decsi compartirá meta con Abián Rodríguez e tamén co canteirán Hugo Casal.
Coa nova incorporación o Cisne pensa xa na xornada de liga que lle enfrontará ao Zamora, actual pechacancelas da División de Honra Prata, este sábado 2 de marzo (18.30 horas) no Municipal. Un duelo vital para non desengancharse da pelexa polos postos de play-off.
Relacionadas:
-
VÍDEO.- Indignación no Cisne coa decisión arbitral que lles deixou sen un valioso punto en Málaga
Por Diego Espiño |
-
Cruel derrota do Cisne ante o Trops Málaga (29-28)
Por Almu Dapena |
-
O lateral brasileiro Marco Antonio Rodrigues, terceiro reforzo invernal do Cisne
Por Redacción |
-
O Cisne desprega as súas ás para remontar ante o Zamora (33-27)
Por Almu Dapena & Cristina Saiz |
-
Roney Franzini rompe o tendón de Aquiles e di adeus á tempada
Por Diego Espiño |
-
O Cisne rescata un punto en Alacante (28-28)
Por Almu Dapena |
-
Os Hispanos Xuvenís convocan o cisneísta Manu Lorenzo
Por Diego Espiño |