Fernando Salgado escribe o libro "A luz de Caldas" para divulgar a historia da central de Segade
Por Redacción
O Concello de Caldas de Reis acaba de editar o libro "A luz de Caldas", escrito polo xornalista Fernando Salgado, para dar a coñecer a historia da central hidroeléctrica de Segade.
O libro presentarase na biblioteca municipal o próximo venres 17 de decembro ás 20 horas.
Salgado relata toda a historia desta central hidroeléctrica desde a súa construción e posta en funcionamento no ano 1899, a súa evolución posterior ata o seu peche no ano 1952 e o proceso de adquisición polo Concello da finca da antiga central que culminou en xullo de 2017.
Ademais, o libro pon en valor outros elementos do patrimonio da contorna de Segade como a ponte romana ou os muíños da zona, e contextualiza a "fábrica da luz" na historia da vila
Na obra inclúense moitas fotografías, ilustracións e documentos da época, destacando a importancia que tivo no proceso de electrificación e industrialización de Galicia.
Relacionadas:
-
RADIO.- Se as diferenzas causan prexuízos e incomodan, recomendamos escoitar este 'Cara a cara'
Por Marisa Ciordia |
-
O Concello distribúe 12.000 bolsas da campaña "Eu merco en Caldas" entre o comercio e a hostalería
Por Redacción |
-
Inauguran o obradoiro de emprego que restaurará a contorna da central hidroeléctrica de Segade en Caldas
Por Redacción |
-
A recuperación da contorna de Segade centrará as prácticas dun novo obradoiro de emprego
Por Redacción |
-
Un estudo en 3D da Pontella de Segade será a base para a súa rehabilitación integral
Por Redacción |