Aberta a convocatoria de acceso á Orquestra Xove da Sinfónica de Pontevedra
![Anxo](/web/cache/scene/uploads/xornalistas/foto/de8/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/5ea1c6e445-_dsc1161.jpg)
Por Anxo Lourido
Desde o 27 de xuño ata o martes 2 de xullo permanecerá aberta a convocatoria para realizar as probas de acceso á Orquestra Xove da Sinfónica de Pontevedra.
As especialidades que se establecen son as de frauta, óboe, clarinete, fagot, trompeta, trompa, trombón, tuba e percusión.
As probas realizaranse durante os días do luns 8 e martes 9 de xullo.
É necesario que as persoas aspirantes leven o documento nacional de identidade.
Ademais, aqueles participantes menores de idade teñen a obrigación de presentar un consentimento familiar.
Pode inscribirse todo o alumnado que estea matriculado en conservatorio, escola de música ou academia nalgunha das especialidades.
Deben, ademais, ter entre 16 e 26 anos. O tribunal reservarase o dereito de admisión de menores de 16 que acrediten o nivel esixido.