Revenidas anuncia as súas datas para 2024: do 12 ao 15 de setembro, en Vilaxoán
Por Alejandro Espiño
Os seguidores do festival Revenidas xa teñen unha data que marcar nos seus calendarios. A súa edición de 2024 terá lugar entre os días 12 e 15 de setembro.
O recinto, ao igual que nos últimos anos, será a explanada do porto de Vilaxoán e o anexo parque de Dona Concha.
A organización do festival sacará á venda os primeiros abonos nos próximos días e anunciará a algúns dos artistas que conformarán o seu cartel.
O Revenidas avanza que manterá a súa filosofía de incluír destacadas figuras da escena musical galega, estatal e internacional, tendo moi en conta cuestións como a paridade de xénero ou a presenza de linguas minorizadas.
Non faltarán ademais tampouco as actividades paralelas que son parte e historia fundamental do Revenidas como a tradicional sardiñada, a gala de circo solidaria, os concertos a bordo dun barco ou o roteiro por Vilaxoán.
Na edición de 2023, Ska-P, Rodrigo Cuevas, Heredeiros da Crus y Dakidarría, Desakato, Zoo, Fillas de Cassandra, Los Chikos del Maíz, Familia Caamagno ou The Rapants foron parte das bandas e artistas que subiron ao escenario do festival.
Relacionadas:
-
El Kanka, Lendakaris Muertos, The Rapants e o grupo de Jordi Évole estarán no Revenidas
Por Alejandro Espiño |
-
Tanxugueiras, La Pegatina, Fillas de Cassandra, Dubioza Kolektiv e Talco actuarán no Revenidas 2024
Por Alejandro Espiño |
-
A organización cuantifica en 1,8 millóns de euros o impacto económico do festival Revenidas
Por Oskar Viéitez |
-
Preto de 7.000 persoas escoitarán no Revenidas a Ska-P, Rodrigo Cuevas, Heredeiros da Crus e Dakidarría
Por Redacción |
-
Revenidas cumpre 20 anos redobrando a súa aposta polo talento galego, feminino e emerxente
Por Alejandro Espiño |