Pontevedra Viva!

Máis +
Urxencias do Hospital Provincial

© Mónica Patxot

O Sergas anuncia a reapertura da planta de oncoloxía pechada polo gromo de Covid no Hospital Provincial

Redacción

Por Redacción

A área Sanitaria de Pontevedra e O Salnés confirmou que a planta de Oncoloxía 2 do Hospital Provincial reactivará o seu labor asistencial "nas próximas horas".

Farao despois de finalizar o proceso intensivo de limpeza e desinfección de habitacións, espazos comúns e áreas de uso profesional motivado polo importante gromo de Covid que obrigou a pechar a planta.

Segundo o Servizo Galego de  Saúde, os pacientes que estaban ingresados nesta planta e deron positivo por coronavirus continúan coa súa evolución no Hospital de Montecelo, mentres que o resto de contaxiados atópanse illados nos seus domicilios.

Este brote provocou a realización dun cribado xeral ao que se someteron preto de 200  pcientes e 1.300 profesionais do Hospital Provincial e que concluíu este sábado 24. Con todo o departamento de comunicación da área sanitaria sinalou que non informará dos resultados das PCR ata ter a relación completa, aínda que fontes hospitalarias sinalan que se detectaron contaxios polo menos no servizo de Medicina Interna.

Este cribado xeral é o primeiro que se realiza nun centro hospitalario público de Galicia desde o inicio da pandemia.

Relacionadas: