Danan a escultura de Orbil que promociona o Salón do Libro na Peregrina
Por Redacción
Apenas cinco días durou intacta a escultura de Orbil, a mascota do Salón do Libro Infantil e Xuvenil de Pontevedra, colocada na Praza da Peregrina como promoción do evento.
Esta figura, enmarcada nunha actuación artística denominada pola organización do Salón como #OrbilParade e instalada o pasado martes día 3 de marzo, amenceu este domingo con importantes danos na súa estrutura.
En concreto Orbil apareceu cunha pintada no seu fuciño e coas pernas rotas, ameazando con caer ao chan.
A #OrbilParade instalouse só uns días antes da apertura do Salón do Libro, inaugurado o pasado venres e que permanecerá aberto ata o o próximo 28 de marzo.
Ademais da figura na Peregrina, a actuación artística conta con outras seis figuras repartidas pola cidade en lugares como o Parque Amalia Álvarez, a rúa Marqués de Riestra ou o Estadio Municipal de Pasarón.
Relacionadas:
-
Contos virtuais para entreter os máis pequenos durante a corentena
Por Alejandro Espiño |
-
Con moito humor e máis amor pola literatura: xa está aquí o Salón do Libro
Por Roberto Alonso Pereira & Redacción |
-
O Salón do Libro acollerá unha nova edición de 'Unha ollada ao cómic galego'
Por Boris Rodríguez Pintos |
-
Orbil viste de cores diferentes espazos da cidade para visibilizar o Salón do Libro
Por Sara Iglesias & Boris Rodríguez Pintos |