Seis anos e medio de prisión para dous gardas civís por filtrar arquivos confidenciais a narcos
Por Natalia Puga
A Sección Cuarta da Audiencia Provincial de Pontevedra condenou aos axentes da Garda Civil Javier López Suárez e Diego Fontán Cuesta e ao empresario e presunto narcotraficante Juan Carlos Santorum Navazas, xulgados durante os útlimos mese por supostamente obter información confidencial de investigacións do Equipo contra o Crime Organizado (ECO) e facilitarlla a narcotraficantes.
Os tres negaron as filtracións de información, que alcanzaría os 2.500 arquivos, moitos deles de actuacións protexidas por segredo de sumario, pero o tribunal provincial considerou probada a súa culpabilidade e impúxolles penas que van entre os dous anos e tres meses e os tres anos e medio de prisión.
O peor parado da sentenza condenatoria foi Diego Fontán Cuesta, que cometería o delito como integrante da Policía Xudicial. A Audiencia absólveo dos delitos de integración en grupo criminal, encubrimento e delito continuado contra a intimidade e condénao polo delito de revelación de segredos a tres anos e 6 meses de prisión, multa de 17 meses a razón de 10 euros ao día e suspensión de emprego ou cargo público por tempo de 2 anos e 6 meses.
A Javier López Suárez tamén o condenou finalmente tan só polo delito de revelación de segredos, no seu caso, á pena de 3 anos de prisión, multa de 15 meses a razón de 10 euros día e suspensión de emprego e cargo público por tempo de 2 anos. Resultou absolto de integración en grupo criminal, encubrimento e delito continuado contra a intimidade cometido por funcionario público no seo de grupo criminal.
O terceiro acusado, Juan Carlos Santorum, acusado de ser a ligazón entre os citados axentes e os supostos narcotraficantes, foi condenado a dous anos e tres meses de prisión como autor dun delito de revelación de secretos cometido por particular, absolvéndolle a Audiencia do delito de integración en grupo criminal.
As maxistradas da Sección Cuarta consideran probado que Javier e Diego, acordaron que "valéndose do seu destino profesional", facíanse con diversa "información relevante e sensible" das distintas investigacións e operacións xudicializadas levadas a cabo na súa unidade "relativas esencialmente á materia de narcotráfico" sendo Diego quen unha vez a tivera no seu poder "procedería á súa revelación e difusión".
Conclúe que ambos eran "conscientes do prexuízo que tanto para a administración pública como para os particulares afectados causaban coas súas accións así como das graves consecuencias que para as investigacións e operacións xeraban".
Relacionadas:
-
O narcobuque 'MV Karar', vinculado a Santórum e apresado en pleno confinamento, poxado por 156.000 euros
Por Natalia Puga |
-
Polo menos 7 detidos nunha nova operación antidroga, entre eles, Juan Carlos Santórum
Por Natalia Puga | Creada e actualizada
-
A Fiscalía mantén a petición de penas para dous gardas civís acusados de filtrar información a narcos
Por Oskar Viéitez |
-
Compañeiros dos gardas civís acusados de 'chivatos' confirman que as filtracións terminaron coa súa detención
Por Natalia Puga |
-
O xuízo contra os gardas 'toupas' de narcos, suspendido pola folga da xustiza
Por Natalia Puga |
-
Un mando da Garda Civil certifica que os axentes 'chivatos' de narcos filtraban información confidencial
Por Natalia Puga & Mónica Patxot |
-
Dous gardas civís acusados de ser 'toupas' de narcos negan as filtracións de arquivos confidenciai
Por Natalia Puga & Mónica Patxot |
-
A Garda Civil estima que os dous axentes detidos foron 'topos' de narcos un tempo "bastante limitado"
Por Redacción |