A Asociación Boa Vida fixo balance do proxecto 'Fogares Creativos', unha iniciativa que busca combater a soidade non desexada e a crise de vivenda.
Óscar Fraiz, coordinador da asociación, destacou o éxito na difusión do proxecto, especialmente entre persoas con dificultades de acceso á vivenda, aínda que recoñeceu que hai problemas para atraer a quen viven en soidade e dispoñen dun fogar para compartir.
"Recibimos bastantes chamadas de persoas que necesitan unha vivenda, o que nos facilitou a realización de entrevistas e a creación dun grupo de voluntariado", sinalou Fraiz.
Con todo, admitiu que só unha persoa en situación de soidade decidiu participar ata o momento, aínda que moitas mostraron interese na información.
Era algo que "xa estaba previsto", recoñeceu, por iso, para facilitar a confianza e o respecto entre as persoas interesadas, decidiron iniciar unha serie de formacións de convivencia con 15 persoas.
Estas formacións empezarán o martes 15 de abril e finalizarán o 4 de xuño, realizaranse dous días á semana, con sesións de dúas horas e media pola tarde. De aí "esperamos que saian as primeiras convivencias efectivas", indicou Jaime Fraiz.
Pola súa banda, Juan Francisco Díaz, un dos voluntarios de Boa Vida, fixo un chamamento ás persoas que viven soas para que participen na vida compartida e así evitar a soidade non desexada.
"Convidamos os propietarios de vivendas buxán a dar unha solución a quen teñen problemas para atopar un fogar, garantindo un convenio beneficioso para todos", afirmou Díaz, destacando a importancia de xerar unha conexión sa, baseada na confianza e o respecto.
No caso de Jaime González, outro dos voluntarios cos que conta a asociación, puxo en valor esta iniciativa, que permite que ámbalas partes se coñezan e formen novos vínculos, "compartindo celebracións en datas sinaladas e facendo a vida máis digna e feliz".
Por último, Pepa Vázquez adiantou que realizarán unha segunda campaña de carteis informativos e promoverán o boca a boca para difundir o proxecto. Ademais, realizarase unha formación máis curta a finais de mes, para facilitar a incorporación de novos participantes e fomentar a convivencia canto antes.