"A cociña gourmet en conserva" regresa ás aulas do Centro Integrado de Formación Profesional Carlos Oroza cunha orixinal proposta que combina as ventrechas Pescamar con follas, brotes e flores comestibles cultivadas na propia horta do centro.
O produto Pescamar elixido é a lata gourmet de ventrecha de bonito do norte, que contén a parte do bonito máis exquisita e valorada. Como o seu nome indica, correspóndese coa zona do ventre do bonito, onde se concentran proteínas de alto valor biolóxico e ácidos graxos idóneos para reducir os riscos de enfermidades cardiovasculares.
Para preparar esta deliciosa Ventrecha en aceite de oliva, brotes da "Horta Oroza" e vinagreta de cítricos e mostaza necesitamos os seguintes ingredientes:
- 1 lata de Ventrecha de bonito do norte gourmet de Conservas Pescamar
- 3 tomatiños de cores
- media laranxa
- medio limón
- 2 culleradas de maionesa de laranxa
- zume de media laranxa
- zume de medio limón
- 40 gr de aceite de oliva
- 10 gr de vinagre
- 1 cullerada de café de mostaza
- Follas, brotes e flores da "Horta Oroza": cóengos, ceboliño, begonias brancas, begonias vermellas, folla de capuchina, flor de capuchina, fiúncho, folla de mostaza, brote de remolacha e espárrago verde mini
Elaboración:
Cortamos en anacos os tomatiños e sacamos os cuarteiróns de laranxa e limón. Reservamos.
Lavamos as follas, flores e brotes. Escorremos e reservamos.
Para a vinagreta de cítricos e mostaza: disolvemos a mostaza cun chisco de sal nos zumes e o vinagre. Engadimos o aceite e remexemos con barilla para que emulsione lixeiramente.
Maionesa de laranxa: engadimos á maionesa unhas pingas de zume de laranxa, mesturamos e reservamos en biberón.
Presentación:
Na base do prato onde imos colocar a ensalada poñemos un pouco de maionesa de laranxa.
Dispoñemos os ingredientes da ensalada (ventrecha, follas, brotes…) sobre a maionesa, tentando harmonizar coas cores que dispoñemos.
Nun lado da ensalada, decoramos cuns puntos de maionesa de laranxa.
Aderezamos a ensalada no momento de servir coa vinagreta de cítricos e mostaza ben fresca.
En dúas semanas, os produtos do mar serán de novo protagonistas dunha nova receita de "A cociña gourmet en conserva", de Conservas Pescamar.