Os fortes refachos de vento do suroeste provocaron un incidente na Praza da Ferrería.
Sobre a medianoite deste sábado ao domingo un golpe violento de vento desprazou a caseta instalada como Portal de Belén para a Cabalgata dos Reis Magos, fronte á antiga sede de Facenda.
A estrutura de madeira chocou contra a balaustrada de San Francisco, danándoa.
Os bombeiros de Pontevedra acudiron ao lugar para asegurar a zona.
Ao chegar comprobaron que a balaustrada estaba solta polo que optaron por cortar varias seccións da varanda metálica.
Tamén retiraron as chapas de madeira da caseta.
Afortunadamente non se rexistraron danos persoais.
Por seguridade a zona quedou precintada.
Como consecuencia deste incidente, o Concello modificou o programa para este domingo e os Reis Magos realizarán o acto previsto neste punto da Praza da Ferraría no interior da Casa do concello unha vez termine a cabalgata.
