Persoal voluntario da asociación ecoloxista Vaipolorío desenvolvía durante este sábado 16 tarefas de limpeza no río dos Gafos.
Os integrantes do colectivo retiraron árbores que caeran sobre o sendeiro e tamén limparon os ollos das pontes ao longo dun tramo do tamén coñecido como río Tomeza.
Estes traballos inclúense dentro das diversas actividades que realiza esta asociación. Con certa frecuencia executan estas tarefas de limpeza co obxectivo de que se poidan realizar paseos polo sendeiro.
Con estes traballos tamén se consegue que as crecidas queden minimizadas ao retirar a ramaxe que queda atrancado na zona das pontes.