Integrantes da asociación Juan XXIII encárganse desde hai días da construción de varios miradoiros en puntos do rural de Marín dentro dun proxecto realizado polo Concello con cargo a unha subvención da Dirección Xeral de Turismo da Xunta de Galicia.
Segundo informou o Concello, a construción dos miradoiros contratouse á empresa da Fundación para a Discapacidade e o Emprego Juan XXIII co encargo de facelos en madeira para que estean acorde coa contorna e para que contribúan á revalorización dos espazos públicos nos que se constrúen.
O Concello insiste en que a actuación supón a mellora das zonas nas que se sitúan e permite dotarlas de maior comodidade para o goza de contornas naturais de atractivo inigualable. A responsable municipal de Turismo e Comercio, Cristina Acuña, engade que a actuación tamén implica a instalación duns aparcabicis na mesma zona.
O bo tempo dos últimos días facilitou o avance da actuación, que, ademais, contribúe á inserción das persoas con discapacidade vinculadas a Juan XXIII.