O Concello e a Comunidade de Montes de Vilaboa porán en marcha dun roteiro que dará a coñecer as mámoas coas que conta o municipio.
Esta será a primeira acción que poñan en marcha de forma conxunta tras a sinatura dun convenio de colaboración que asinaron este mércores ao abeiro da Convocatoria de Subvencións para Rehabilitación e Sinalización do Patrimonio Histórico-Cultural da Deputación de Pontevedra.
O presidente da Comunidade de Montes, Jose Luis López, e o alcalde de Vilaboa, César Poza, asinaron o convenio e anunciaron que lles permitirá levar adiante accións conxuntas de posta en valor do patrimonio histórico do territorio.
Esta primeira acción en relación coas mámoas terá un investimento de 6.488 euros e ten como obxectivo a sinalización e posta en valor destes elementos patrimoniais cunha actuación pensada para a conservación e revalorización dos restos arqueolóxicos.
Desde o Concello lembran a través dun comunicado que teñen a maior parte do conxunto megalítico do Chan de Castiñeiras, do que forman parte mámoas como a Mámoa do Rei, a mellor conservada deste conxunto megalítico.