Un motorista resultou ferido no serán deste domingo nun accidente de tráfico en Poio cando intentaba esquivar un xabaril que se lle cruzou na vía.
Segundo a información facilitada pola Policía Local de Poio, o sinistro sucedeu sobre as 20.50 horas na estrada PO-308 na avenida Sieiro, á altura de Casa Solla.
O motorista sufriu unha caída ao intentar esquivar o paso do animal e resultou ferido.
O condutor foi atendido no lugar do accidente por unha ambulancia do 061 e logo trasladado a un centro sanitario.