Incidente inusual no centro penal da Lama. Ocorreu o domingo no módulo 2 e estivo protagonizado por tres internos, aínda que o comportamento máis grave atribúese tan só a un deles, que se encerrou na biblioteca e causou desfeitas o mobiliario.
O sindicato 'Tu Abandono Me Puede Matar' denuncia este episodio, que este xornal puido confirmar tamén a través doutras fontes do penal pontevedrés. Estas mesmas fontes confirman que finalmente ningún funcionario resultou ferido.
Segundo contan desde este sindicato, os funcionarios do módulo tiveron constancia de que algo ocorría ao ver a tres internos á beira das cabinas telefónicas e comprobar que un deles sangraba abundantemente polo nariz e presentaba hematomas na cara.
O interno ferido obedeceu aos funcionarvos e foi trasladado á enfermería para recibir atención sanitaria mentres que os outros dous saíron correndo cara ao patio. Xa no exterior, tamén un segundo preso atendeu as peticións dos funcionarios, pero o terceiro reaccionou de forma violenta, colleu unha barra de ferro do ximnasio e tentou agredir a un traballador, que logrou escapar.
A continuación, este interno encerrouse na biblioteca, esnaquizou parte do mobiliario e utilizouno para bloquear a porta mentres ameazaba aos funcionarios. Segundo este sindicato, díxolles "venid a por mí, os voy a matar, perras, venid de uno en uno mariconas".
Mentres un grupo de funcionarios levou ao resto de internos ás súas celas, outros traballadores mediaron co interno, que estaba moi nervioso e violento e chegou a lanzarlles unha garrafa de produtos químicos de limpeza e seguiu ameazando con frases como "achegádevos e mátovos, cadelas".
Finalmente, os funcionarios lograron entrar na biblioteca e reducir a este interno, que tentou agredilos lanzando todo tipo de material contra eles e tamén unha barra de ferro, que impactou co caso dun dos funcionarios.
'Tu Abandono me Puede Matar' denuncian que feitos como os ocorridos este domingo "non se consideran agresións porque oficialmente os funcionarios de prisións só somos agredidos se sufrimos danos físicos perdurables", de modo que nas estatísticas oficiais do Ministerio de Interior non sei consideran feitos graves.