O Concello de Sanxenxo informou dun incendio rexistrado este venres nunha vivenda unifamiliar de Rouxique.
O lume e o fume causaron danos materiais pero, afortunadamente, non se produciron feridos.
O lume iniciouse no ático da vivenda sobre as catro da tarde. Probablemente provocado por unha impresora, segundo apuntou o Concello de Sanxenxo sobre a posible orixe.
Na extinción deste incendio interveu o servizo de Emerxencias de Sanxenxo.
Víronse afectadas por este sinistro o ático, unha habitación e a primeira planta da vivenda.