Arredor das 18.00 horas deste xoves 3 de outubro, un home de 57 anos resultaba ferido de gravidade ao sufrir un accidente laboral en Campelo.
O operario da construción precipitábase por unhas escaleiras interiores dun inmoble cando estaba a levar a cabo tarefas de observación do espazo no que está previsto que se realice a obra de rehabilitación.
Ata o lugar desprazábase a Policía Local, Protección Civil de Poio e unha dotación da Garda Civil.
O home tivo que ser trasladado por unha ambulancia do 061 ao Hospital Montecelo.
O golpe causou feridas na cabeza e no tórax de carácter grave, aínda que inicialmente non se teme pola súa vida.
Tratábase da primeira vez que o operario acudía ao inmoble co obxectivo de ver o espazo no que estaba previsto que se iniciasen as obras o vindeiro luns 7.
As dilixencias dainvestigaciónpara determinar as causas do accidente asúmeas a Policía Local de Poio.