O Casino Mercantil e Industrial de Pontevedra presentou, este martes 2 de febreiro, o amplo abanico de actividades que están a ultimar para o Entroido 2016. Un entroido que poderán gozar desde os máis pequenos da casa ata os adultos, a partir do sábado 6 e ata o sábado 13 de febreiro.
O programa deste ano abre este sábado 6 cunha "Festa Latina" ás 23.00 horas, na Sede Socialdo Casino en Curros Enríquez. Ao día seguinte, domingo 7, as familias poderán gozar da "Festa infantil/familiar 5Sentidos". Nela, contarase cun concurso de disfraces no que se premiará a: o mellor disfrace infantil, o mellor grupo familiar e o mellor disfrace adulto. A festa comezará ás 17.30 horasna Cafetería do Parque do Casino Mercantil en Cons (Mourente). En ambos os casos, a entrada seráde balde para socios e alumnos, mentres que para os non socios ascenderá a 3 euros.
Durante o luns e o martes, 9 e 10 de febreiro, levará a cabo a segunda edición do Campamento Urbano "Entroido Pirata", no que poderán participar nenos e nenas de entre 6 e 12 anos. As actividades, que se realizarán pola cidade, comezarán ás 10.00 e finalizarán ás 20.00 horas. A inscrición, cun prezo de 24 euros para os socios e 30 para os non socios, permanecerá aberta ata o xoves 4 de febreirona 3º planta da Sede Social.
Ademais, o martes 10 de febreiro, celebrarase unha "Festa Infantil de Entroido" desde as 17.00 ata as 20.00 horas, tamén na Sede Social. As invitacións poden adquirirse na propia conserjería da Sede o mesmo día do evento, cun custo de 3 euros para os non socios.
O programa finalizará o sábado 13 de febreiro cunha "Cea-Baile de Ravachol" a partir das 22.30 horas. Para amenizar o acto, contarase coa actuación dacharanga "Equipo JA" e a dun DJ. Tamén haberá dispoñible un servizo de ludoteca gratuíto para aquelas familias con nenos. As inscricións poden realizarse na oficina da Sede Socialata o martes 9 de febreiro.