A Asociación Española contra o Cancro de Sanxenxo organiza unha pasarela de moda con fins solidarios este sábado 18 no Real Club Náutico, a partir das 20.00 horas.
Nesta cita, as persoas que acudan poderán observar as últimas tendencias en roupa e calzado de tendas con selo da vila turística.
Doce establecementos de distintos sectores ofrecerán nove pases diferentes durante este desfile no que os fondos que se recaden irán destinados á investigación do cancro.
Merchy Treviño será a encargada de presentar o evento e ofrecerá tamén unha actuación musical durante a velada.
A entrada é libre coa opción de realizar un donativo. As persoas que participan como modelos son residentes en Sanxenxo que queren colaborar coa asociación.