"Quiero pedir perdón a las víctimas, estoy arrepentido y lo siento". Foi a última palabra de José Luis T., un veciño de Cambados xulgado este martes na sección cuarta da Audiencia Provincial de Pontevedra por agredir a ex esposa e tentar matar ao novo noivo dela utilizando un machada. O home recoñeceu os feitos, conformouse coa pena que lle pide a Fiscalía e quixo pedir perdón.
José Luis empezou asegurando que "si" recoñecía todos os feitos e dicindo que quere "pedir perdón por lo que hice", pero logo matizou que, en realidade, hai feitos ocorridos na noite do 29 de abril de 2021 na casa do seu ex en Cambados dos que non se acorda porque "estaba algo bebido".
En todo caso, xa no momento de facer uso da súa última palabra mostrouse de acordo coa Fiscalía e a súa avogada defensora anunciou que non se opoñerá a que se dite sentenza condenatoria coa súa conformidade.
O caso quedou visto para sentenza tras declarar o acusado, as súas dúas vítimas e un axente da Garda Civil e a Fiscalía, a acusación particular e a defensa realizaron unha petición de condena idéntica.
A fiscala modificou as súas conclusións iniciais tras engadir no seu escrito de acusación que o acusado recoñeceu os feitos do escrito do fiscal e pasou a aumentar a petición de condena. Pasou de pedir que sexa condenado a dez anos a elevar esa pena a 14 anos e 4 meses de prisión.
Considérao autor dun delito de homicidio en grao de tentativa sobre o novo noivo da súa ex polo que pide que lle impoñan 10 anos de prisión, 20 anos de afastamento, 10 anos de liberdade vixiada e a imposición dun dispositivo de control telemático.
Tamén lle atribúe un delito de malos tratos non habituais con resultado de lesións sobre a súa ex polo que debe ser condenados a un ano de prisión, unha orde de afastamento de seis anos e o uso dun dispositivo de control telemático.
As partes pídenlle tamén, e el aceptou, que sexa condenado por dous delitos de ameazas sobre as súas dúas vítimas polos que lle piden 20 meses de prisión por cada un, 6 anos e oito meses de afastamento e, igualmente, un dispositivo de control telemático.
O acusado recoñeceu que entrou no domicilio da súa ex, da que estaba separado tras unha denuncia por malos tratos, tras timbrar e identificarse como axente da Garda Civil, abriulle o novo noivo e atacono cun machada.
Segundo relatou durante o xuízo celebrado este martes, , "por lo que me había dicho mi nieta, fui de malas maneras", pero "no fui para matarlo". Con todo, finalmente, conformouse co relato da fiscala, que si sostén que acudiu con intención de acabar coa vida dese home, ao que recriminou: "quieres echar a mi nieta de casa".
Na súa declaración tamén asegurou que non lembra alí á súa ex esposa. "Yo a ella no la vi, no sé si estuvo". Con todo, recoñeceu unha acusación da Fiscalía que sostén que cando a súa ex interveu en defensa da súa primeira vítima tamén a atacou.
A súa primeira vítima relatou que o atacou nada máis abrirlle a porta, de modo que pensou "que nos íban a robar". "Fue abrir la puerta y ya me llamó HP y sentir el hacha", asegurou. A continuación, a agresión continuou nun cuarto contiguo, no que "ya me cayó la de San Quintín, un hachazo en el hombro, puñetazos...".
O ataque foi de tal magnitude que"pasó toda mi vida por delante en cuestión de segundos, desde la infancia". Mentres duraba a agresión, "oía hablar muy lejos" e atacouno "por todos lados, dando puñetazos de arriba para abajo", ata que chegou a súa parella, quitoulle o machada e entre os dous lanzárona a debaixo da cama.
En canto á súa ex muller, relatou que, tras sentir o timbre, asomouse e non viu nada, pero, despois, escoitou un ruído que viña da habitación, acendeu a luz e viu á súa parella sangrando pola cabeza. Chamou á Garda Civil, volveu entrar e vi ao seu ex dando puñadas. "Me defendí dando una patada", explicou.
Esta muller tamén explicou que o seu fillo acudiu a prisión a visitar á súa pare e el "le dijo que venía a por nosotros"".
Un axente da Garda Civil confirma que, cando xa estaba detido e eles estaban a redactar as dilixencias, "nos dijo que cuando pudiera, iba a matar a esas personas". "Lo dijo allí con mucha tranquilidad, dijo que él quería matarlos", engadiu.