Falamos de inquedanzas, aspiracións e o enfoque único dunha persoa talentosa que se esforza por deixar a súa pegada no mundo.
- Dime unha pregunta que non te guste que che fagan.
Onde te ves de aquí a dez anos
- Como te definirías?
Doutor en impaciencia
- Como é a túa relación con Pontevedra?
Moi cariñosa, pero por pequenos momentos, como pasa en todas as familias, algo asfixiante
- Onde te sitúas: xeración baby-boom, xeración X ou xeración millenial?
Xeración Z, creo.
- Cales dirías que son as características desta xeración?
Pouca tolerancia á frustración e moita intelixencia práctica.
- A quen votaches nas túas primeiras eleccións?
Ufff, iso foi unha etapa xa superada, por sorte.
- En que momento decides escribir o teu primeiro libro Adral da Filosofía?
No momento en que me decatei de que, como dixo Mark Twain, a diferenza entre a realidade e a ficción é que a ficción ten que ser crible.
- Onde nace a túa paixón pola música?
Nace na ducha.
- Tendo en conta o auxe da "especialización" en todos os sectores, considéraste unha rara avis?
Estudei filosofía, con iso digo todo.
- Que é a amizade?
A admiración e o compromiso mutuo.
- Dime unha canción que te emocione.
The Long And Winding Road dos Beatles.
- Frío ou calor?
Calor
- Que hai despois da vida?
Pois cando o saiba, por desgraza, non creo que cho poida contar.
- O último capricho que te deches?
Un xeado italiano.
- Cando dixeches por última vez "quérote"?
Hai dous meses a unha amiga que coñecín no instituto.
- E, por último, a quen che gustaría ver nesta sección?
Á miña amiga Ana Muñoz. Unha moi boa persoa cunha cabeza extraordinaria.
Para Xacobe Pontevedra sabe a pedra vella, cheira a celulosa, é de cor dourada e ten son ao violín de Manuel Quiroga. Definitivamente, Xacobe Medina sente Pontevedra.
O CUESTIONARIO
− Nunca saio da casa sen... calcetíns
− Na miña neveira sempre hai... chocolate
− No meu armario destacan... os pantalóns pirata que uso de pixama
− A idade é... aprendizaxe
− Sempre fun o ollo dereito de... miña avoa Tere
− Pontevedra ten alma de... aldeá
− Creo en... o ser humano
− O ano que marcou a miña vida foi... 2015
− O mellor agasallo que me poden facer é... unha carta
− O meu lugar no mundo é... non o sei
− Se non puidese vivir en Pontevedra viviría en... Londres
− O meu momento favorito do día é... a noite
− Pontevedra... pode dar moito máis de si