Ata seis mercantes coinciden este luns nos peiraos do Porto de Marín para realizar diferentes operativas de preto de 85.000 toneladas de carga e descarga de mercadorías.
Ás 10.000 toneladas de mercadoría en contedor do buque Adilia I no Peirao Adolfo Reboredo, súmanselle os traballos de descarga de 36.000 toneladas de acha de madeira procedente de Sudáfrica, tamén na zona de Expansión.
Mentres, un graneleiro chegado de Canadá descarga estes días 33.000 toneladas de graneis agroalimentarios no Peirao Leirós.
A eles súmaselles unha carga de produtos siderúrxicos con destino a Polonia, pasta de papel que se embarca para Holanda e a descarga de peixe conxelado das adegas do arrastreiro Monteferro, chegado desde Malvinas.