Tras consultar varias fontes de información meteorolóxica, o Concello de Sanxenxo anunciou a suspensión do desfile e concurso de disfraces previsto para este domingo.
Tal e como afirmaron dende a Concellaría de Cultura, a decisión tomouse tendo en conta os últimos partes meteorolóxicos que predín peor tempo aínda que a fin de semana pasada, data na que se ía celebrar a tradicional parada.
Ante esta situación, o departamento municipal confirmou xa esta cancelación para favorecer que os participantes, especialmente aqueles que se desprazan dende outros municipios, non adquiran compromisos innecesarios.