Envorcado sobre a calzada despois de impactar contra un farol, así quedou esta madrugada un vehículo tras sufrir un aparatoso accidente. O condutor saíu ileso, nin sequera necesitou ser atendido nun centro médico.
Segundo informaron desde o Concello de Sanxenxo o coche saíuse da vía en Vilalonga.
Os efectivos de Emerxencias de Sanxenxo recibiron o aviso do accidente sobre as 4 da madrugada deste domingo.
O condutor era o único ocupante do vehículo sinistrado.