A Garda Civil de Sanxenxo logrou resolver un roubo polo método do butrón perpetrado nunha gasolineira de Sanxenxo fai xa máis de tres anos e medio, o 12 de febreiro de 2020, e, un vez identificado ao sospeitoso, soubo que está actualmente en prisión.
Segundo a información facilitada pola Garda Civil, o sospeitoso entrou á gasolineira tras romper o cristal cunha maza e desvalixou a máquina comecartos, apoderándose da súa recadación.
Tras unha complexa investigación practicada polo Equipo Básico de Inspección Ocular (EBIO) de Sanxenxo, lograron identificar o autor "sen ningún xénero". Trátase dun veciño de Carballo (A Coruña) de 30 anos con numerosos antecedentes policiais e que na actualidade atópase cumprindo pena no centro penal de Teixeiro.
Os investigadores pescudaron que o turismo utilizado en Sanxenxo fora subtraído nun concesionario de automóbiles en exposición de Carballo. O autor colocoulle as placas de matrícula doutro vehículo subtraído na mesma localidade e usouno para cometer varios delitos nas provincias de Pontevedra e A Coruña.
O seu periplo de feitos delituosos afectan as localidades de Vimianzo, Carballo, Pontecesures e Sanxenxo e inclúe subtracción de vehículos, condución temeraria, danos, falta de pagamentos de carburante en gasolineiras, falsificación de documentos e roubos con forza.
O caso está agora en mans do Xulgado de Instrución número 2 de Cambados.