Este sábado 12 de maio, entre as 12:00 e as 14:30 horas, terá lugar na Casa da Luz a iniciativa 'Con luz propia'. É unha actividade aberta, no marco do programa do 75 aniversario do Centro de Recursos Educativos da ONCE en Pontevedra.
Dez mozos e mozas do grupo 'Pensadores galaicos', que se reúnen tres veces ao ano nestre centro para debatir temas de actualidade, contarán relatos sobre a realidade das persoas con dispacidade visual.
Como recolle Eduardo Muñiz no Duvi, todos os que se acheguen poderán escoitar as diferentes historias de boca dos seus protagonistas, nunha especie de "biblioteca viva" que defende a inclusión e elimina barreiras.
A actividade está promovida polo Grupo de Investigación Cíes da Facultade de Ciencias de Educación e do Deporte e o Centro de Recursos Educativos da ONCE.