O gran desfile de Entroido deixou este venres un récord histórico de participantes e de público en Ponte Caldelas. Sete comparsas, once grupos e decenas de participantes individuais chegaron o centro urbano a partir das oito e media da tarde.
Segundo os cálculos municipais, máis de 2.000 persoas déronse cita na vila, enchendo de cor e humor as rúas.
Na categoría de comparsas, o primeiro premio levárono 'Os 100 Tolos', o mesmo grupo que gañou no desfile de Pontevedra o pasado sábado.
'Os da Cana' quedaron de segundos e 'Os Miúdos' de terceiros. Foron, respectivamente, cuarto e quinto en Pontevedra.
Na categoría deTiovivos, o primeiro premio foi para 'Botou o mar fóra' e o resto de premiados foron: Mar de Fondo (2), A Pandilla (3), Os Máis Mellores (4) e Cor café (5)
En grupo infantil, o único premio levoullo 'Ludoenxamio'.
En individuais e parellas, o primeiro premio foi para 'Contigo aprendín' o segundo, para 'Tiovivos máxicos' e o tecero, para 'Africana de papel'.