Reclaman voluntarios para o Banco de Alimentos

Pontevedra
27 de abril 2017

Responsables da ONG decidiron levar a cabo un meirande número de recollidas de comida, a través da Operación Kilo, ao longo deste ano para evitar o desabastecemento dos seus almacéns tanto de Vigo como de Pontevedra

Banco de Alimentos de Pontevedra
Banco de Alimentos de Pontevedra / Banco de Alimentos

A Fundación Provincial Banco de Alimentos lanza un SOS para facer un chamamento de voluntarios para poder enfrontarse a máis Operacións Quilo ao longo dos próximos meses co obxectivo de axudar a persoas necesitadas.

Desde esta ONG indican que as familias en crise demandan un maior número de produtos básicos. Desde esta entidade repártense cada día unha media de 4.000 quilos de alimentos e este ano a tendencia está a ser á alza. 

Para evitar o desabastecemento dos almacéns da organización tanto en Vigo como en Pontevedra reclámase a participación de persoas voluntarias.

Para iso só é necesario darse de alta a través da web ou chamando polas mañás, de luns a venres ao 986.865.301, para Pontevedra e ao 986.263.022 para Vigo.