Unha das primeiras cousas que nos conta o invitado ao podcat 'Cara a cara' cando contactamos con el é que chegara a Vilagarcía cun subidón de ánimo. Neste municipio das Rías Baixas sumaba os 4.000 quilómetros que levaba percorridos da costa ibérica. Réstalle xa completar o tramo atlántico para encarar a costa cantábrica e concluír o periplo en Ondarribia (Fuenterrabía, Donostia).
Francisco Rábano saíu hai algo máis dun ano desde Port Bou "buscando historias de emprendemento ambiental, social ou de apego ao terreo". Dá visibilidade a estas iniciativas nas súas redes sociais, web e tamén en colaboracións co programa de RTVE 'Emprende'. Este periplo ten un nome propio, Lenta Premura.
Ata aquí pode resultar a quen lea, unha experiencia máis ou menos interesante. O plus engádese mirando uns anos atrás. En 2016 levaba sete anos como alto executivo dunha empresa de Silicon Valley que expandiu por España, Portugal, Italia e Suramérica. Ata que o seu corpo dixo basta tres veces e o estrés ingresouno nun hospital. Unha chamada amiga fixo virar o seu compás vital.
O resto da historia e outros aprendizaxes que vai a acumulando pódelos escoitar do propio Francisco Rábano no podcast dePontevedraViva Radio que achegamos a esta información. Ou descargalo e reenviarlo a quen poida motivar