A vindeira Xuntanza dos Nosos Maiores celebrarase o sábado 24 de agosto na Carballeira de Ribadumia, onde os participantes poderán gozar dun día completo de actividades.
O evento, dirixido aos maiores do municipio, comezará ás 13:00 horas coa tradicional misa, seguida dun xantar popular ás 14:15 horas.
Despois do xantar, ás 16:15 horas, terá lugar un "bingo sorpresa", que rematará coa actuación do humorista Xan Veiga, quen ofrecerá un monólogo para a diversión dos asistentes.
O día culminará ás 18:00 horas coa tan esperada gran velada de baile, que promete ser un dos momentos máis destacados da xornada.
As persoas interesadas en participar teñen de prazo para anotarse ata o 21 de agosto nos servizos sociais do Concello de Ribadumia.