Ante a falta de acordo para que os barcos galegos sigan faenando en Mauritana, o Goberno decidiu prorrogar as compensacións económicas que recibían. Así se publica este sábado no BOE. O Ministerio de Agricultura, Alimentación y Medio Ambiente prorrogou ata o 31 de xullo de 2013 as axudas para os tripulantes afectados pola paralización temporal no caladoiro de Mauritania.
Estas axudas recibíanse desde o 1 de agosto de 2012, ante a imposibilidade de faenar nestas augas como consecuencia da redución das posibilidades de pesca do acordo da UE e Mauritania. Os beneficiarios das anteriores axudas non terán que presentar unha nova solicitude para acceder a elas.
As axudas concederanse por un periodo de seis meses de paralización temporal, levada a cabo desde o 1 de febreiro ao 31 de xullo de 2013 ambos inclusive. A elas poderán acceder un número estimado de 150 tripulantes dos buques arrastreiros marisqueros e arrastreiros cefalopodeiros, que faenaran baixo o acordo pesquero entre a UE e Mauritania.
O financiamento total previsto elevouse a unha cantidade próxima a 1,3 millóns de euros, procedentes dos orzamentos xerais do Estado e coa cofinanciación da UE. Os marineros afectados cobrarán 45 euros por día de parada e continuarán dados de alta na Seguridade Social, polo que manterán os conseguintes beneficios que isto supón na súa vida laboral a efectos de desemprego ou xubilación.
Estas axudas suporán certo respiro para os mariñeiros de O Morrazo, principalmente Marín, de onde son orixinarios a maioría dos tripulantes afectados. Así mesmo, nos próximos días levarase a cabo a publicación doutra orde que prorrogará as axudas aos armadores, coas mesmas características.