24 establecementos de hostalería de Sanxenxo ofrecerán a partir deste venres 17 de maio as súas mellores propostas gastronómicas dentro dunha nova edición do certame 'Sanxenxo degusta tapas'.
Preséntanse corenta propostas culinarias ata o 2 de xuño ao prezo de tres euros a tapa.
Na categoría de tapas creativas ofreceranse 17 opcións fronte ás 23 tradicionais, segundo indicaron os representantes da hostalería de Sanxenxo que participan no concurso este xoves na presentación do evento.
Cada local establecerá un horario de mañá e de tarde para a degustación das propostas.
A clientela terá a oportunidade de avaliar as opcións en cada unha das categorías. Tan só aquelas persoas que proben tapas en polo menos cinco locais poderán votar a mellor tapa.
Entre os clientes realizaranse sorteos con opcións a distintos agasallos como visitas a adegas, ceas ou estancias en hoteis, segundo indicaba o concelleiro Juan Deza ao presentar a actividade que chega ao seu décimo terceira edición.