Todos os trens de Renfe da relación Vigo-Madrid sairán ou chegarán á nova estación de Vigo Urzáiz a partir do próximo luns, día 19.
Estes trens circularán polo bypass de Conxo en lugar de por a vía do Miño, como ata o de agora. Por tanto, a nova oferta directa entre Vigo Urzáiz e Madrid estará composta por dous trens de ida e outros dous de volta a partir desa data:
- Alvia 4275 (Madrid Chamartín 07:15 – Vigo Urzáiz 12:55). Circula LMXJV. (Novo percorrido).
- Alvia 4354 (Vigo Urzáiz 15:32 – Madrid Chamartín 21:05). Circula todos os días, excepto os sábados. (Novo percorrido).
- Alvia 4165 (Madrid Chamartín 16:45 – Vigo Urzáiz 21:55). Circula diario.
- Alvia 4484 (Vigo Urzáiz 08:55 – Madrid Chamartín 14:05). Circula todos os días, excepto os domingos.
Isto supón aforros de tempo de viaxe nas seguintes estacións:
- Vigo Urzáiz 5-7 minutos menos de tempo de viaxe (trens 4275 e 4354).
- Pontevedra 48-56 minutos menos de tempo de viaxe (trens 4354 e 4275).
Cabe lembrar que o pasado 14 de xuño empezou a funcionar o primeiro Alvia Vigo-Madrid (un por sentido) desde a estación de Urzáiz, polo bypass de Conxo. Este tren aforra 30 minutos porque realiza menos paradas entre Vigo e Madrid.
