Afeitos ver iluminadas as rúas de Pontevedra desde a ponte de decembro, nesta ocasión haberá que esperar algo máis, uns dez días, para que a decoración luminosa de nadal luza en toda a cidade.
O departamento municipal de Festas, que dirixe Carme da Silva, decidiu que o seu encendido se atrase ata o próximo 16 de decembro. Esa é, polo menos, a previsión que baralla nestes momentos o Concello de Pontevedra.
A empresa que colocará a iluminación, que conta cun investimento de 140.000 euros, será Creaciones Luminosas. Esta decoración de Nadal complementarase coa achega das asociacións comerciais da cidade, Zona Monumental e AEMPE.
O alumeado estará encendido ata o 6 de xaneiro, día de Reis, no horario de cada ano, é dicir, de 18:00 a 02:00 horas. Os días de Noiteboa e Fin de Ano estará encendida ata as 04:00 horas.
Ao igual que en anos anteriores, a iluminación completarase con outros motivos de Nadal coa instalación dunha árbore de 20 metros na Ferrería e outra de 10 metros en Méndez Núñez ou catro bolas no Hospital Provincial, Rosalía de Castro, Praza de Compostela e Peregrina.
Ademais, decoraranse os accesos á cidade, os camelios da Praza de Ourense, un almendro en Barcelos e a árbore do cruzamento de Eduardo Pondal con Uxío Novoneira e Gorgullón e instalarase un corazón en Monte Porreiro ou unha árbore na Parda.
Tamén estarán iluminadas as principais sedes administraticas do Concello, o Teatro Principal ou o Pazo da Cultura e haberá un manto de luz en Méndez Núñez e na Praza da Leña.
Pontevedra ten previsto iluminar con arcos todo o centro histórico e as rúas Oliva (6 elementos), Benito Corbal (11), Santa Clara (5), Cobián Roffignac (10), Paseo de Colón (5), Daniel de la Sota (6), Echegaray (5), Estribela (4), Fondevila (4), Barriada da Seca (3), García Camba (6), Joaquín Costa (15) e Loureiro Crespo e Casimiro Gómez (6).
Haberá arcos tamén na Avenida de Lugo (2), Riestra (7), Marquesa (3), Michelena (10), Monte Porreiro (6), Peregrina (13), Ponte Sampaio (6), Rosalía de Castro (11), Sagasta (5), Virxe do Camiño (9), Gutiérrez Mellado (4), Frei Xoán Navarrete (3), Andrés Muruais (4), Alameda (12), San Antoniño (10), Glorieta de Compostela (3), Cobián Areal (7) ou Uxío Novoneyra (5).
San Roque (9), Avenida de Vigo (15), Eduardo Pondal (20), María Victoria Moreno (17), Xeneral Rubín 6), Praza de España (8), Doce de Novembro (4), Fernando Olmedo (9), Josefina Arruti (13), Rúa Estación (8), Rúa da Estrada (11), Virxinia Pereira (9), Barcelos (15), Praza de Galicia (10), Augusto García Sánchez (12), Castelao (8) ou Blanco Porto (5) súmanse á iluminación.
Por último, estarán encendidas Cruz Gallástegui (10), Augusto González Besada (7), a Rúa dos Ferreiros (4), Raíña Vitoria (4), Pintor Virxilio Blanco (4), Urbano Lugrís (4), Manuel Colmeiro (4), Herminia Fariña (4), Javier Puig (4), Víctor Cervera (4), José Millán (4) o Álvarez Limeses (4).