O Concello de Poio dá por resolto o problema de inundacións que viñan repetindo con choivas intensas no camiño de Cachafeiro, no lugar do Xuviño; e unha vez concluída a ampliación da rede pluvial.
Investíronse preto de 75.000 euros neste proxecto que consistiu na instalación de tubaxes con sistema de drenaxe e evacuación de augas pluviais e o posterior pavimentado de camiño dando continuidade ao tramo que se executou a comezos de ano no tramo de Esperón a Xuviño.
"Trátase de viais municipais moi transitados polos que ademais discorre a variante espiritual do Camiño de Santiago", sinala o alcalde, Ángel Moldes.
O investimento económico procede de fondos do plan +Provincia da Deputación, que o goberno local está a destinar a actuacións deste tipo en camiños rurais que precisan de mellora e mantemento, así como para "solucionar problemas ocasionados por execución de proxectos incompletos".