Mariñeiros afectados polo peche do caladoiro de Mauritania permaneceron case catro horas pechados no interior da sede da delegación do Ministerio de Agricultura, Alimentación e Medio Ambiente de Pontevedra, esixindo o pagamento das axudas pactadas e solucións alternativas para a flota tras o peche do caladoiro cefalopodeiro onde estaban a faenar vinte embarcacións da Península do Morrazo.
Tras comprometerse o secretario da Subdelegación de Goberno a transmitir as súas peticións ao secretario xeral de Pesca do ministerio, Carlos Domínguez, os manifestantes abandonarvos as instalacións.
O voceiro de CIG-Mar, Xabier Aboi, indicou que van dar de prazo ata o próximo martes para que se solucione o conflito. En caso de non ser así, volverían as mobilizacións en plena campaña electoral.