Un grupo duns cen mariñeiros e armadores da flota cefalopodeira galega que faenaba no caladoiro mauritano protagonizaron este martes un peche nas dependencias do Instituto Social da Mariña de Vigo, co obxecto de aclarar que problemas existen nos expedientes de solicitude das axudas pactadas, xa que dos máis de cen afectados tan só 20 van recibir a prestación no mes de decembro.
Ademais, xa anunciaron que proseguen as mobilizacións e teñen convocada unha gran manifestación o día 14 de decembro, que sairá ás 20:30 horas da Alameda de Marín.
Previamente, o luns próximo, os afectados reuniranse en asemblea en Marín, a partir das 11:00 horas, para decidir novas accións a levar adiante.